На канікулах мы,  вучні 5 "А" і 5 "Б" класаў,  наведалі  Беларускі дзяржаўны музей гісторыі Вялікай Айчыннай вайны ў Мінску. Гэта экскурсія дала нам магчымасць больш даведацца пра гісторыю роднага краю, убачыць цікавыя экспанаты.

    Музей гісторыі Вялікай Айчыннай вайны - гэта помнік тых страшных часоў, сведчанне адвагі і патрыятызму людзей, якія змагаліся за Радзіму. У музеі налічваецца больш за восем тысяч экспанатаў. Мы ўбачылі экспазіцыі,  прысвечаныя даваеннаму часу, пачатку і працягу  Вялікай Айчыннай вайны, абарончым баям у Беларусі, бітве пад Масквой, Сталинградскай бітве. У асобных залах размяшчаюцца экспанаты, якія сведчаць пра нацысцкую акупацыю і партзанскую барацьбу супраць захопнікаў. Акрамя таго, у музеі прадстаўленны арыгіналы ваеннай формы.  Мы пазнаеміліся з баявой тэхнікай і ўзбраеннем: легендарным танкам  Т-34,  знакамітай ‘Кацюшай’, ваенным самалётам ЛІ-2 і інш.

        У вялікай  Зале  Перамогі  з  празрыстым дахам на сценах ўвекавечаны імёны Герояў Савецкага Саюза, пералічаны воінскія фарміраванні, якія ўдзельнічалі ў вызваленні Беларусі.

         Экскурсія ў музей была вельмі пазнавальнай. Мы даведаліся шмат новага і цікавага пра жыццё людзей у гады вайны, набылі сувеніры на памяць.

               Мы раім усім абавязкова наведаць гэты музей!

Падрыхтаваў Кірыл Ласоўскі, вучань 5 Б класа

Бераснева Т.В., Аляхно С.Л., класныя кіраўнікі